1382018.jpg

ໃນຕອນເຊົ້າ ຂອງ ວັນທີ 13/8/2018, ເວລາ 8:30 ໂມງ ຢູ່ ຫ້ອງສະໂມສອນປຢກຄອງເມືອງຈັນທະບູລີ, ໄດ້ເປີດກອງປະຊຸມຄົບຄະນະບໍລິຫານງານພັກເມືອງຈັນທະບູລີ ຄັ້ງທີ 10 ສະໄໝທີ VI ຮ່ວມກັບອົງການປົກຄອງຂຶ້ນ. ພາຍໃຕ້ການເປັນປະທານ ຂອງ ສະຫາຍ ນາງ ບົວລອນ ວົງດາລາແສນ ຄະນະພັກນະຄອນຫຼວງວຽງຈັນ, ເລຂາພັກເມືອງ, ເຈົ້າເມືອງຈັນທະບູລີ. ມີບັນດາ ຮອງເລຂາພັກເມືອງ , ຄະນະພັກເມືອງ, ຫົວໜ້າຫ້ອງການ, ເລຂາຄະນະພັກຮາກຖານ, ເລຂາພັກບ້ານ, ນາຍບ້ານ ພາຍໃນເມືອງຈັນທະບູລີ, ນອກນັ້ນຍັງມີ ສະພາປະຊາຊົນນະຄອນຫຼວງວຽງຈັນ, ຫ້ອງວ່າການນະຄອນຫຼວງວຽງຈັນ ແລະ ຄະນະຈັດຕັ້ງນະຄອນຫຼວງວຽງຈັນ ເຂົ້າຮ່ວມກອງປະຊຸມ ຢ່າງພ້ອມພຽງ. ເຊິ່ງມີຜູ້ເຂົ້າຮ່ວມທັງໝົດ 110 ຄົນ, ຍິງ, 25 ຄົນ.

 

ກອງປະຊຸມໄດ້ຮັບການເຜີຍແຜ່ຄໍາສັ່ງ 04/ຄລສພ, ລົງວັນທີ:7/5/2018 ຈາກສະຫາຍນາງບົວລອນວົງດາລາແສນຄະນະພັກນະຄອນຫຼວງວຽງຈັນ, ເລຂາພັກເມືອງ, ເຈົ້າເມືອງຈັນທະບູລີ.

ກອງປະຊຸມຍັງໄດ້ຮັບຟັງການສະຫຼຸບລາຍງານ ຊີ້ນໍາ-ນໍາພາ ວຽກງານຮອບດ້ານ ຂອງ ຄະນະບໍລິ ຫານງານພັກເມືອງຈັນທະບູລີ ປະຈໍາ 6 ເດືອນຕົ້ນປີ ແລະ ທິດທາງແຜນການປະຈໍາ 6 ເດືອນທ້າຍປີ 2018 ຈາກ ສະຫາຍ ເພັດສະໄໝ ນັດຜາສຸກ, ຮອງເລຂາພັກເມືອງ, ຮອງເຈົ້າເມືອງຈັນທະບູລີ ແລະ ໄດ້ຮັບຟັງການສະຫຼຸບລາຍງານ ການປະຕິບັດແຜນພັດທະນາເສດຖະກິດ-ສັງຄົມ ປະຈໍາ 6ເດືອນຕົ້ນປີ 2018 ແລະ ທິດທາງແຜນການ 6 ເດືອນທ້າຍປີ 2018 ຈາກ ສະຫາຍ ບຸນຫຼາຍ ສາຍສະຫວັດ ຫົວໜ້າຫ້ອງການ ແຜນການ ແລະ ການລົງທຶນປະຈໍາເມືອງຈັນທະບູລີ. ຈາກນັ້ນ, ສະຫາຍ ຈຸນມະນີ ພັນທະນຸວົງ ຄະນະປະຈໍາພັກເມືອງ ປະທານກວດກາພັກ-ລັດ ເມືອງຈັນທະບູລີ ກໍໄດ້ເຜີຍແຜ່ ຄໍາສັ່ງເລກທີ 02/ກມສພ ແລະ ບົດແນະນໍາ ເລກທີ 291/ຄຈສພ ວ່າດ້ວຍການກໍ່ສ້າງໜ່ວຍພັກປອດໃສເຂັ້ມແຂງ ໜັກ   ແໜ້ນ ແລະ ສະຫາຍ ນາງພິລາວັນ ວົງບຸຜາ ຄະນະພັກເມືອງ ຫົວໜ້າຄະນະຈັດຕັ້ງເມືອງຈັນທະບູລີ ໄດ້ຜ່ານຄໍາສັ່ງແນະນໍາ ຂອງ ຄະນະປະຈໍາພັກເມືອງຈັນທະບູລີ ວ່າດ້ວຍການດໍາເນີນກະກຽມກອງປະຊຸມໃຫ່ຍ ຄັ້ງທີ VII ຂອງອົງຄະນະພັກເມືອງຈັນທະບູລີ ແລະ ຜ່ານມະຕິຕົກລົງ ເລກທີ: 172, 173 ວ່າດ້ວຍການແຕ່ງຕັ້ງ ຄະນະຮັບ ຜິດຊອບປັບປຸງ ກົງຈັກການຈັດຕັ້ງທົ່ວເມືອງຈັນທະບູລີ.

ກອງ​ປະຊຸມ​ໄດ້​ປິດ​ລົງ ​ໃນ​ເວລາ 12:00 ຂອງ​ວັນ​ດຽວ​ກັນ.