ທີ່ຕັ້ງ ແລະ ຈຸດພິເສດຂອງ ເມືອງຈັນທະບູລີ ນະຄອນຫຼວງວຽງຈັນ

ສຳນັກງານເມືອງຈັນທະບູລີ ຕັ້ງຢູ່ບ້ານທົ່ງຂັນຄຳ ຖະໜົນຂຸນບູລົມ ທາງເຂົ້າກົງກັນຂ້າມກັບສະໜາມກິລາເຈົ້າອະນຸວົງ. ເມືອງຈັນທະບູລີ ເປັນເມືອງການຄ້າ-ການບໍລິການ ແລະ ການທ່ອງທ່ຽວ.ເປັນເມືອງເກົ່າແກ່ຜ່ານຫຼາຍຍຸກຫຼາຍສະໄໜ ທີ່ອຸດົມໄປດ້ວຍບູລິຍະສະຖານ ປະກອບມີຫຼາຍຊັ້ນຄົນ, ຫຼາຍເຊື່ອຊາດ ແລະ ສາສະໜາທີ່ມີຈິດຕະສາດສັງຄົມ,ແຕກຕ່າງກັນ,ເປັນເມືອງຕັ້ງໃຈກາງຂອງ ນະຄອນຫຼວງວຽງຈັນ, ມີທ່າແຮງທາງດ້ານການຄ້າ ແລະ ການບໍລິການ ເຊຶ່ງເປັນທີ່ຕັ້ງສຳຄັນທາງດ້ານເສດຖະກິດ, ການເມືອງ, ວັດທະນາທຳສັງຄົມ, ການປ້ອງກັນຊາດ-ປ້ອງກັນຄວາມສະຫງົບ,ເປັນທີ່ຕັ້ງຂອງບັນດາສຳນັກງານອົງການຕ່າງໆຂອງພັກ-ລັດຖະບານ ອົງການຈັດຕັ້ງສາກົນ, ເປັນຈຸດໃຈກາງເໝາະສົມໃນການສ້າງສູນການຄ້າ,ການບໍລິການໂຮງແຮມ, ທະນາຄານ, ຮ້ານບັນເທິງ, ເປັນທາງຜ່ານນັກທຸລະກີດ, ນັກທ່ອງທ່ຽວພາຍໃນ ແລະ ຕ່າງປະເທດ.

ເມືອງຈັນທະບູລີ ມີຊາຍແດນຕິດກັບຫຼາຍເບື້ອງຄື:

-        ທິດເໜືອຕິດກັບ ເມືອງສີໂຄດຕະບອງ ແລະ ເມືອງໄຊທາານີ

-        ທິດໃຕ້ຕິດກັບແມ່ນ້ຳຂອງ ຊາຍແດນລາວ-ໄທຍ

-        ທີດຕາເວັນອອກຕິດກັບ ເມືອງໄຊເສດຖາ ແລະ ເມືອງສີສັດຕະນາກ

-        ທິດຕາເວັນຕົກຕິດກັບ ເມືອງສີໂຄດຕະບອງ

-        ເມືອງຈັນທະບູລີ ມີເນື້ອທີ່ທັງໜົດ 29 ກິໂລຕາແມັດ ໃນປີ 2009 ເມືອງຈັນທະບູລີ ປະກອບມີ 27 ບ້ານຕົກມາຮອດປີ 2010 ປະກອບມີ 37 ບ້ານ, ມາຮອດປີ 2014 ໄດ້ເອົາບ້ານນ້ອຍໂຮມເຂົ້າເປັນບ້ານໃຫ່ຍໃນປະຈຸບັນມີທັງໜົດ 30 ບ້ານ

-        ປີ 2013 ມີພົນລະເມືອງທັງໜົດ 61,600 ຄົນ, ຍິງ 31,08 ຄົນ, ມີຫຼັງຄາເຮືອນ 12,834 ມີ 12,262 ຄອບຄົວ, ມີ 1,066 ໜ່ວຍ, ມີຊາວຕ່າງດ້າວ 393 ຄອບຄົວ, ຊາວຕ່າງດ້າວມີ ພົນລະເມືອງທັງໜົດ 939 ຄົນ, ນິງ 465 ຄົນ.

-        ປີ 2014 ມີພົນລະເມືອງທັງໜົດ 66,854 ຄົນ, ຍິງ 34,451 ຄົນ, ມີຫຼັງຄາເຮືອນ 13,011 , ຄອບຄົວ, ມີຊາວຕ່າງດ້າວ 1,356 ຄົນ, ຍິງ 492 ຄົນ.

-        ປີ 2015 ວັນສຳຫຼວດທົ່ວປະເທດວັນທີ 01/01/2015 ໄດ້ສຳຫຼວດມີພົນລະເມືອງທັງໜົດ 68,249 ຄົນ, ມີ 14,479 ຄົວເຮືອນ