ປະຫວັດຄວາມເປັນມາຂອງສຳນັກງານ ເມືອງຈັນທະບູລີ ນະຄອນຫຼວງວຽງຈັນ

     ເມືອງຈັນທະບູລີ ເປັນເມືອງໜຶ່ງທີ່ຂຶ້ນກັບເມືອງວຽງຈັນໃນສະໄໜກ່ອນ ຕາມການເລົ່າຕຳນານມາຫຼາຍຊັ້ນຄົນ, ຫຼາຍສະໄໜກ່ຽວກັບກ່ຽວກັບປະຫວັດຄວາມເປັນມາຂອງ ເມືອງຈັນທະບູລີ ໃຫ້ສະນະນາມວ່າ: ນາຍບູລີ ເຊິ່ງນາຍບູລີຈັນຄົນນີ້ ແມ່ນພໍ່ຄ້າທີ່ເຄື່ອນໄຫວຊື້ເຄື່ອງລ່ອງເຮືອມາແຕ່ປະເທດຈີນ ໂດຍໄດ້ນຳເອົາເຄື່ອງຈາກປະເທດຈີນ ແລະ ພາກເໜືອ ຂອງລາວເຮົາລົງມາຂາຍຕາມແມ່ນ້ຳຂອງແຕ່ເໜືອເຖິງໃຕ້ ແລະ ແລກປ່ຽນຢູ່ຕາມເຂດຕ່າງໆໂດຍສະເພາະແມ່ນເຂດຊາຍແດນລາວ. ໄທຍ ແລະ ຂະແໜນຕາມການທ້ອນໂຮມຂອງ ເຈົ້າຟ້າງຸ່ມ ໃນສະໄໜສະຕະວັດທີ 14 ນາຍບູລີຈັນໄດ້ເອົາຈົດດອນຊຽງຊູ ( ເຂດເມືອງສີໂຄດຕະບອງປະຈຸບັນ ) ແລະ ປາກນ້ຳປ່າສັກ ( ເຂດໂຮງຮຽນປາກປ່າສັກປະຈຸບັນ ) ເປັນບ່ອນຈອດເຮືອ ແລະ ເປັນບ່ອນພັກເຊົາ, ເມື່ອນາຍບູລີຈັນ ທ່ຽວຫຼາຍເທື່ອຕໍ່ຫລາຍເທື່ອຈື່ງສັງເກດເຫັນໄດ້ວ່າ ຢູ່ສະຖານທີ່ດັ່ງກ່າວມີຄວາມສະດວກ ແລະ ຍັງມີນ້ຳໃສເຢັນດີທັງມີ ປູປາ ແລະ ຕົ້ນໄມ້ສັກກົກໃຫ່ຍທີ່ຢູ່ປາກຫ້ວຍນ້ຳ ຈຶ່ງໃສ່ຊື່ວ່າ: ຮ່ອງສັກ ( ຮ່ອງສັກໃນປະຈຸບັນ ) ຈຶ່ງໄດ້ຕັດສິນໃຈຕັ້ງຖິ່ນຖານຢູ່ເຂດດັ່ງກ່າວ ແລະ ເປັນຈຸດໃຈກາງຂອງເສັ້ນທາງຜ່ານຂອງຕົນເອງ ເພາະວ່າ ນາຍບູລີຈັນ ໄດ້ຖືເອົາສະຖານທີ່ດັ່ງກ່າວເປັນບ່ອນໄວເຄື່ອງ ເພື່ອສະດວກໃນການຂົນສົ່ງ ການໄປແລກປ່ຽນໂດຍຖືຟາກເບື້ອງຕາເວັນຕົກ ເປັນບ່ອນໄວ້ເຄື່ອງຂົນຂື້ນມາແຕ່ທາງພາກໃຕ້ ເຊິ່ງມີ ເປັດ ໄກ່ ແລະ ຄອນຕະບອງ ດັ່ງນັ້ນ, ຈຶ່ງໃສ່ຊື່ວ່າ ( ເມືອງສີໂຄດຕະບອງໃນປະຈຸບັນນີ້ ) ແລະ ເອົາຟາກຮ່ອງເບື້ອງຕາເວັນອອກໄວ້ເຄື່ອງທີ່ນຳມາແຕ່ພາກເໜືອ ເຊິ່ງມີ: ຊ້າງ, ເຕົ້າໄມ້ ຈຶ່ງໃສ່ຊື່ວາ ຖະໜົນລ້ານຊ້າງ ແລະ ດອນຈັນ ( ດອນຈັນໃນປະຈຸບັນ ) ຕໍ່ຈາກນັ້ນມາຫຼາຍປີໄດ້ມີພວກອົບພະຍົບມາຈາກຫຼາຍເຂດ ເຂົ້າມາອາໃສຢູ່ເຂດດັ່ງກ່າວເຊັ້ນ: ພວກຊາວອາລາມ,ຫໍ້ ແລະ ຊາວລາວຈຳນວນໜຶ່ງເຂົ້າມາຕັ້ງພູມລຳເນົາ ແລະ ບ້ານເຮືອນລຽບຕາມຄຳແມ່ນ້ຳຂອງເລີ່ມແຕ່ເຂດດອນຊຽງຊູລົງມາຮອດບໍໂອ ແຕ່ນາຍບູລີຈັນໄດ້ຖືເອົາຈຸດປາກປ່າສັກ, ເຂດແຄມຂອງດອນຈັນ, ສີສະເກດເປັນໃຈກາງ ຈຶ່ງໄດ້ຕັ້ງຊື່ວ່າ ເມືອງບູລີຈັນ ເຂດເຊີ່ງເລີ່ມແຕ່ໂຮງໝໍມະໂຫສົດ. ເສັ້ນທາງໜອງບອນ, ຕະຫລາດເຊົ້າ, ຖະໜົນລ້ານຊ້າງສີບຸນເຮືອງ        ( ເປັນເບື້ອງທິດຕາເວັນອອກ ). ແຕ່ສາມແຍກປາກປ່າສັກ, ສີຫອມ, ຂົວຫຼວງ,ເສັ້ນທາງເຈົ້າອະນຸວົງ(ເປັນເບື້ອງທິດຕາເວັນຕົກ). ສາມແຍກປາກປ່າສັກລຽບແຄມຂອງລົງຮອດດອນຈັນພະເລັດ ( ເປັນທິດໃຕ້ ). ແຕ່ໂຮງໝໍມິດຕະພາບ, ເຂດບໍ່ນາງົວ ( ເປັນທິດເໜືອ ).

        ສຳນັກງານປົກຄອງ ເມືອງຈັນທະບູລີ ສ້າງຂຶ້ນໃນປີ 1975 ຈັນເຖິງປະຈຸບັນ ເຊິ່ງປະຈຸບັນມີພະນັກງານທັງໜົດ 66 ຄົນ, ຍິງ 37 ຄົນ

-        ເມືອງຈັນທະບູີ ໄດ້ປະກາດສ້າງຕັ້ງຫ້ອງການຂຶ້ນໄໜ່ 5 ຫ້ອງການ

-        ປະຈຸບັນມີທັງເຈົ້າເມືອງ, ຮອງເຈົ້າເມືອງ,ພະນັກງານທັງໜົດ 98 ຄົນ,ຍິງ 49 ຄົນ

-        ສະເພາະພະນັກງານ ຫ້ອງວ່າການປົກຄອງ ເມືອງຈັນທະບູລີທັງໜົດ 22 ຄົນ, ຍິງ 10 ຄົນ

ເມືອງຈັນທະບູລີ ເປັນເມືອງໜຶ່ງທີ່ນອນຢູ່ໃຈກາງຂອງນະຄອນຫຼວງວຽງຈັນ. ເປັນເມືອງເກົ່າແກ່ ແລະ ອຸດົມສົມບູນດ້ວຍບູລິຍະສະຖານ. ປະກອບມີຫຼາຍຊັ້ນຄົນ, ຫຼາຍເຊື່ອຊາດ ແລະ ສາດສະໜາທີ່ມີຈິດຕະສາດ - ສັງຄົມແຕກຕ່າງກັນ. ມີທ່າແຮງທາງດ້ານການຄ້າ, ການບໍລິການ ແລະ ເປັນຈຸດໃຈກາງທາງດ້ານການເມືອງ, ການປ້ອງກັນຊາດ-ປ້ອງກັນຄວາມສະຫງົບ, ທາງດ້ານວັດທະນາທຳ-ສັງຄົມ, ທະນາຄານ, ໂຮງແຮມ, ຮ້ານກີນດື່ມ-ບັນເທິງ, ມີບ່ອນທ່ອງທ່ຽວທາງດ້ານວັດທະນາທຳ ປະຫວັດສາດ ແລະ ຊົມທິວທັດທຳມະຊາດ ນ້ຳຂອງຍາມແລງທີ່ສວຍງາມແຫ່ງໜຶ່ງຂອງນະຄອນຫຼວງ.

ເມືອງຈັນທະບູລີ ແມ່ນເມືອງໜຶ່ງທີ່ຖືກຄັດເລືອກໃຫ້ເປັນເມືອງທົດລອງປະຕິບັດວຽກງານ 3 ສ້າງໃນຈຳນວນ 3 ເມືອງຂອງນະຄອນຫຼວງວຽງຈັນ ແລະ 51 ເມືອງຂອງທົ່ວປະເທດຜ່ານມາຂະບວນການຈັດຕັ້ງປະຕິບັດ ເມືອງຈັນທະບູລີ ໄດ້ເລືອກເອົາ 7 ບ້ານ ເປັນບ້ານທົດລອງເຊັ້ນ: ບ້ານໜິງປິງ, ບ້ານສີຫອມ, ບ້ານຊຽງຢືນ, ບ້ານວັດຈັນ, ບ້ານຫາຍໂສກ, ບ້ານອະນຸ ແລະ ບ້ານມີໄຊ. ດ້ວຍວິທີແຕ່ງຕັ້ງພະນັກງານລົງປະຈຳ 7 ບ້ານ ເພື່ອນຳເອົາອຳນາດການປົກຄອງ ແລະ ອົງການຈັດຕັ້ງມະຫາຊົນພາຍໃນບ້ານເຄື່ອນໄຫວຕາມພາລະບົດບາດ, ສິດ, ແລະ ໜ້າທີ່ ແນ່ໃສສ້າງບ້ານໃຫ້ມີຄວາມເຂັ້ມແຂງທາງດ້ານການຈັດຕັ້ງ, ມີທືນສຳລັບການບໍລິຫານ ແລະ ການພັດທະນາບ້ານ, ມີຄວາມສາມາດພຽງພບໍໃນການຄຸ້ມຄອງລັດ, ຄຸ້ມຄອງສັງຄົມດ້ວຍລະບຽບກົດໝາດ ພ້ອມນີ້ ຂະແໜງການສາຍຕັ້ງ ແລະ ມອບໝາຍວຽກງານຈຳນວນໜຶ່ງໃຫ້ບ້ານຄຸ້ມຄອງ ແລະ ມອບຄວາມຮັບຜິດຊອບຢ່າງຂາດຕົວ.