ເປີດ​ບັນ​ເຮັດທົດ​ລອງ​ປັບ​ປຸງ​ກົງຈັກ​ການຈັດ​ຕັ້ງ ​​ແລະ ບັ້ນ​ເຮັດ​ທົດ​ລອງການຈັດຕັ້ງ​ປະຕິບັດ ບາດກ້າວ​ທີ່ III ຂອງ​ວຽກກໍ່ສ້າງ​ຮາກ​ຖານການ​ເມືອງຕິດ​ພັນ​ກັບ​ການຈັດ​ສັນ​ຄວາມ​ບໍ່​ເປັນ​ລະບຽບຮຽບຮ້ອຍ ຢູ່​ບ້ານ​ທົ່ງ​ຂັນ​ຄຳ ຄັ້ງ​ວັນ​ທີີ 13-21/2018ໂດຍ​ເປັນ​ປະທານ: ສະຫາຍ ປອ ອານຸພາບ ຕຸລາ​ລົມ ກຳມະການ​ສູນ​ກາງ​ພັກ, ຮອງ​ເລຂາ, ປະທານ​ສະພາ ​ນະ​ຄອນ​ຫຼວງ​ວຽງຈັນ.

​          ເຂົ້າ​ຮ່ວມ​ມີ: ​ ເລຂາ, ຮອງ​ເລຂາ​ຄະນພັກ​ເມືອງ, ຄະນະ​ປະຈຳ​ພັກ, ຄະນະ​ພັກ​ເມືອງ, ຄະນະ​ພັກ​ຮາກ​ຖານ, ຄະນະໜ່ວຍພັກ, ຫົວໜ້າຫ້ອງການ, ນາຍບ້ານ​ທົ່ວ​ເມືອງ, ພະນັກງານ​ລົງ​ກໍ່ສ້າງ​ຮາກ​ຖາ​ນບ້ານ​ທົ່ງ​ຂັນ​ຄຳ ​ແລະ ຫົວໜ້າໜ່ວຍ, ຮອງໜ່ວຍ 10 ຫຼັງ​ຄ່​າ ເຮືອນ ບ້ານ​ທົ່ງ​ຂັນ​ຄຳ, ມີ​ຄະ​ນະ​ຮັບຜິດຊອບ​ລົງ​ເຮັດ​ທົດ​ລອງ​ວຽກງານ​ແກ້​ໄຂ​ບັນຫາ 3 ຫຼຸດ, 3 ​ເພີ່​ມ ​ແລະ 3 ຂະບວນການ ຈາກພາກ​ ສ່ວ​ນ ປກສ ມີຈຳນວນ​ທັງໝົດ 226 ສະຫາຍ, ມາ​ຈາ​ກພາກສ່ວນ​ບ້ານ 56 ສະຫາຍ.

​          ໃນ​ຕອນ​ເຊົ້າ​ ຂອງ ​ວັນ​ທີ 6 ກັນຍາ 2018 ຢູ່​ທີ່​ຫ້ອງ​ວ່າການ​ປົກຄອງ​ເມືອງ​ຈັນທະ​ບູລີ ​ໄດ້​ເປີດ​ກອງ​ປະຊຸມ​ເຜີຍ​ແຜ່​​ເຊື່ອມ​ຊຶມ​ ມະຕິ ຕົກລົງ​ຂອງ​ຄະນະ​ປະຈຳ​ພັກ ​ແລະ ຂໍ້​ຕົກລົງຂອງ​ເຈົ້າ​ເມືອງ​ຈັນທະ​ບູລີ ນະຄອນຫຼວງ​ວຽງ​ຈັນ ກ່ຽວ​ກັບ​ວຽກ​ງານ 3 ສ້າງ. ພາຍ​ໃຕ້ການ​ເປັນ​ປະທານ​ຮ່ວມ ຂອງ ທ່ານ ​ເພັດ​ສະ​ໄໝ ນັດ​ຜາ​ສຸກ ຮອງ​ເຈົ້າ​ເມືອງ​ຈັນທະ​ບູລີ ​ແລະ ທ່ານ ສົມ​ໃຈ​ຫວັງ ​ເດດ​ອຸດົມ ຮອງ​ຫົວໜ້າ​ພະ​ແນ​ກພາຍ​ໃນ ນະຄອນຫຼວງ​ວຽງ​ຈັນ. ມີ​ບັນດາ ຫ້ອງການ ​ແລະ ບ້ານ ​ພາຍ​ໃນ​ເມືອງ ເຂົ້າ​ຮ່ວມ ຈຳນວນ 93 ທ່ານ ​​ເຂົ້າ​ຮ່ວມ​ຮັບ​ຟັງໃນ​ຄັ້ງ​ນີ້.

ໃ​ນຕອນ​ເຊົ້າ , ວັນ​ທີ 5 ກັນຍາ 2018 ທ່ານ ​ນາງ ບົວ​ລອນ ວົງ​ດາລາ​ແສນ ​ເຈົ້າ​ເມືອງ​ຈັນທະ​ບູລີ ພ້ອມ​ດ້ວຍ​ຄະນະ ​ໄດ້​ໄປ​ມອບ​ເຄື່ອງ​ຊຸກຍູ້​ນ້ຳ 100 ​​ແກັດ ​ແລະ ໝີ່ 50 ​ແກັດ ຢູ່​ ບ້ານ ນາ​ແຖ, ​ເມືອງ​ໄຊ​ເສດ​ຖາ ທີ່​ຖືກ​ຜົນ​ກະທົບ​ໄພ​ນ້ຳ​ຖ້ວມ.

      ໃນ​ຕອນ​ເຊົ້າ​ຂອງ​ວັນ​ທີ 29 ສິງຫາ 2018 ຢູ່​ທີ່​ຫ້ອງ​ວ່າການ​ປົກຄອງ​ເມືອງ​ຈັນທະ​ບູລີ ​ໄດ້​ເປີດ​ກອງ​ປະຊຸມ​ເຜີຍ​ແຜ່​ກົດໝາຍ ​ແລະ ນິຕິ​ກຳ​ລຸ່ມ​ກົດໝາຍ ຂອງ​ຂະ​ແໜງ​ການ​ໄປສະນີ, ​ໂທລະ​ຄົມມະນາຄົມ ​ແລະ ການ​ສື່ສານ ຢູ່​ເມືອງ​ຈັນທະ​ບູລີ ນະຄອນຫຼວງ​ວຽງ​ຈັນ, ພາຍ​ໃຕ້​ການ​ເປັນ​ປະທານ​ຮ່ວມ ຂອງ ທ່ານ ​ເພັດ​ສະ​ໄໝ ນັດ​ຜາ​ສຸກ ຮອງ​​ເຈົ້າ​ເມືອງ​ຈັນທະ​ບູລີ ​ແລະ ທ່ານ ສີ​ຄອນ ອ່ອນ​ສີ​ພັນ​ລາ ຫົວໜ້າ​ພະ​ແນ​ກ​ໄປສະນີ ໂທລະ​ຄົມມະນາຄົມ ​ແລະ ການ​ສື່ສານ ນະຄອນຫຼວງ​ວຽງ​ຈັນ ມີ​ບັນດາ​ຫ້ອງການ, ບ້ານ, ປກສ ​ເຂດ ​ແລະ ຮ້ານອິນ​ເຕີ​ເນັດ-ກາ​ເຟ ​ເຂົ້າ​ຮ່ວມ​ຮັບ​ຟັງ​ໃນ​ຄັ້ງ​ນີ້.

ໃນຕອນເຊົ້າ ຂອງ ວັນທີ 13/8/2018, ເວລາ 8:30 ໂມງ ຢູ່ ຫ້ອງສະໂມສອນປຢກຄອງເມືອງຈັນທະບູລີ, ໄດ້ເປີດກອງປະຊຸມຄົບຄະນະບໍລິຫານງານພັກເມືອງຈັນທະບູລີ ຄັ້ງທີ 10 ສະໄໝທີ VI ຮ່ວມກັບອົງການປົກຄອງຂຶ້ນ. ພາຍໃຕ້ການເປັນປະທານ ຂອງ ສະຫາຍ ນາງ ບົວລອນ ວົງດາລາແສນ ຄະນະພັກນະຄອນຫຼວງວຽງຈັນ, ເລຂາພັກເມືອງ, ເຈົ້າເມືອງຈັນທະບູລີ. ມີບັນດາ ຮອງເລຂາພັກເມືອງ , ຄະນະພັກເມືອງ, ຫົວໜ້າຫ້ອງການ, ເລຂາຄະນະພັກຮາກຖານ, ເລຂາພັກບ້ານ, ນາຍບ້ານ ພາຍໃນເມືອງຈັນທະບູລີ, ນອກນັ້ນຍັງມີ ສະພາປະຊາຊົນນະຄອນຫຼວງວຽງຈັນ, ຫ້ອງວ່າການນະຄອນຫຼວງວຽງຈັນ ແລະ ຄະນະຈັດຕັ້ງນະຄອນຫຼວງວຽງຈັນ ເຂົ້າຮ່ວມກອງປະຊຸມ ຢ່າງພ້ອມພຽງ. ເຊິ່ງມີຜູ້ເຂົ້າຮ່ວມທັງໝົດ 110 ຄົນ, ຍິງ, 25 ຄົນ.

ໃນ​ຕອນ​ເຊົ້າ ວັນທີ 13/06/2018 ຫ້ອງການຍຸຕິທຳ ເມືອງຈັນທະບູລີ ສະຫຼຸບພິທີ​ປິດ ​ການ​ຮຽນ-ການ​ສອນຫຼັກສູດ​ກົດໝາຍຊັ້ນ​ຕົ້ນ​ລະບົບ 3 ​ເດືອນ ຊຸດ​ທີ VIII ສົກປີ 2018 ຂອງ​ເມືອງ​ຈັນທະ​ບູ. ພາຍໃຕ້ການເປັນປະທານ ຂອງທ່ານ ຄຳພິທູນ ຈັນທະກຸນ ຮອງເລຂາພັກເມືອງ ຮອງເຈົ້າເມືອງຈັນທະບູລີ, ທ່ານ ບຸນ​ເພັງ ສີນະວົງພອນ ກຳມະການພັກນະຄອນຫຼວງ ຫົວໜ້າພະແນກຍຸຕິທຳ ນະຄອນຫຼວງວຽງຈັນ ແລະ ບັນດາແຂກທີ່ຖືກເຊີນເຂົ້າຮ່ວມ ຕາງໜ້າ ກົມສົ່ງເສີມຍຸຕິທຳ ກະຊວງຍຸຕິທຳ, ຄະນະປະຈຳພັກເມືອງ, ຄະນະພັກເມືອງ, ຫົວໜ້າຫ້ອງການ, ເລຂາພັກບ້ານ, ນາຍບ້ານ, ຄະນະແກ້ໄຂຂໍ້ໍຂັດແຍ່ງຂອງບ້ານ ແລະ ນັກຮຽນກົດໝາຍຊັ້ນຕົ້ນ. ເຊິ່ງມີ 2 ຈຸດປະສົງຄື: 1. ພິທີມອບໃບປະກາດສະນີຍະບັດໃຫ້ນັກສຶກສາກົດໝາຍຊັ້ນຕົ້ນ ຊຸດ​ທີ VIII  ແລະ ມອບໃບຍ້ອງຍໍໃຫ້ຄະນະແກ້ໄຂຂໍ້ຂັດແຍ່ງ ຂັ້ນບ້ານ ແລະ ບຸກຄົນດີເດັ່ນ.  ມີ​ຈຳນວນ​ຄົນ​ເຂົ້າ​ຮ່ວມ​ທັງໝົດ 65 ຄົນ, ຍິງ 19 ຄົນ.